Vermicë, 23 shkurt - Dogana e Kosovës ka njoftuar se dje rreth orës 13:30  ka ndaluar ndalur për kontroll veturë e tipit Volvo me regjistrim të Republikës së Kosovës.

Gjatë kontrollit të përbashkët me Policinë Kufitare në PKK Vërmicë në vijën e dytë të kontrollit sipas doganës janë gjetur mbi gjysmë kilogrami lëndë narkotike.

Gjatë kontrollit të ushtruar në automjetin e lartë përmendur ku janë përdorur pajisjet për kontroll donacion i Ambasadës Amerikane, oficerët doganor kanë gjetur substanca narkotike e llojit marihuana, në sasi prej 561.40 gramë.

Kjo sasi është gjetur nën ulësen e vozitësit dhe ishte e mbështjellë me qese plastike dhe e mbyllur ne një qese tjetër.

Personi i dyshuari është arrestuar nga ana e Policinë Kufitare në Vërmicë si dhe rasti është përcjell tutje për hetime dhe procedim penal.