Mitrovicë, 14 dhjetor - Kamionët me ndihma të ardhura nga Rusia për serbët e veriut të Kosovës ende vazhdojnë të mbeten të bllokuar në Jarinjë.

Kamionët me ndihma ruse u bllokuan në kufi duke mos u lejuar të hyjnë në Kosovë pasi Rusia dhe Serbia refuzuan që ndihmat të shoqëroheshin nga EULEX-i.

Ndërkohë mësohet se pas disa orësh pritjeje, ambasadori rus në Beograd Aleksandër Konuzin është kthyer sërish në Serbi.

Sipas tij duke bllokuar kamionët me ndihma EULEX-i ka tejkaluar mandatin e tij duke vepruar politikisht.

Ambasadori rus refuzoi që të shkojë në Merdare, sepse tha se aty vepron policia e Kosovës që nuk njihet as nga Moska e as nga Beogradi.