Milano, 14 mars - Një 20-vjeçare nga Kosova ka humbur jetën në Itali si pasojë e një helmimi të shkaktuar nga monoksidi i karbonit, raportojnë mediat italiane, të cilat nuk bëjnë të ditur identitetin e saj, por theksojnë se ajo vdiq derisa po qëndronte në makinë me të dashurin e saj pakistanez.

Sipas policisë, hipoteza më e mundshme është që ata të kenë ndezur makinën për t`u ngrohur dhe për pasojë kanë vdekur nga monoksidi i karbonit, që është çliruar dhe ka pushtuar garazhin e përmasave të vogla.