Milano, 15 shkurt - Karabinierët e Milanos kanë ekzekutuar sot 26 urdhëra arresti, në të gjithë Italinë, për shkatërrimin e një bande të trafikut ndërkombëtar të drogës.

Sipas hetimeve të zbuluara në Milano, grupi në fjalë, fuste në Itali sasi të mëdha droge nga Hollanda dhe Shqipëria. Banda, sipas hetimeve, përziente në veçanti heroinën dhe kokainën me amfetaminë, duke krijuar një përzierje të re.

 Të arrestuarit mësohet të jenë italianë, shqiptarë, marokenë dhe francezë. Gjatë arrestimeve janë kryer kontrolle dhe janë sekuestruar 7 kg heroinë, 7 kg kokainë dhe 6 kg marihuanë.