Prishtinë, 7 dhjetor -  Policia e Republikës së Kosovës ka bërë të ditur se Drejtoria e Hetimit të Trafikimit me Qenie Njerëzore  në dy operacione policore ka arrestuar 4 persona të dyshuar dhe ka identifikuar  1 viktimë të trafikimit me qenie njerëzore.

Në vazhdimësi të hetimeve të rasteve të trafikimit me qenie njerëzore , Drejtoria për Hetimin e Trafikimit me Qenie Njerëzore, përkatësisht njësitë e kësaj Drejtorie në dy operacione policore të ndara kanë arrestuar 4 persona të cilët  merreshin me veprimtari kundërligjore:.

Sektori Qendror i Hetimeve  më 6 dhjetor në qytetin e Prishtinës ka  arrestuar dy  person të dyshuar për kryerjen e veprës penale të trafikimit me qenie njerëzore.

Në rastin në fjalë sipas njoftimit është identifikuara 1 viktimë sh/kosovare e trafikimit e cila përmes mashtrimit  dhe më pastaj përmes kërcënimit  ishte  detyruar tw ofronte  shërbime seksuale personave të ndryshëm.

Viktima është strehuar dhe është duke u trajtuar sipas procedurave nacionale për viktimat e trafikimit.

Personat e  arrestuar janë:  A. SH. lindur më 1975 dhe G. SH. lindur më  1971.

Njësia  Kundër Trafikimit – Ferizaj   më 06.12.2012 në qytetin e Ferizajt ka  arrestuar 2 persona të dyshuar që merreshin me aranzhimin e  prostitucionit:

Personat e arrestuar për veprën penale të Mundësimit të Prostitucionit janë: SH .B. lindur më  1973 femër, dhe  V.   B. lindur më 1949 mashkull.

Të gjithë personave të arrestuar iu është caktuar  masa e ndalimit policor prej 48 orëve për të vazhduar me masa të mëtutjeshme procedurale.