Prishtinë, 2 gusht - Në rr. Muharrem Fejza në Prishtinë, dje rreth orës 19, njësiti policor ka shoqëruar dy të dyshuar meshkuj shqiptarë pasi që gjatë kontrollimit të veturës së tyre kanë gjetur dhe konfiskuar dy granat dore.

"Me urdhër të prokurorit pas intervistimit të dyshuarit janë liruar dhe rasti shkon në procedurë të rregullt", njofton policia.
 
Në një rast tjetër në rr. Skënderbeu në Gjakovë është arrestuar i dyshuari mashkull shqiptar pas që gjatë kontrollimit të veturës së tij i është gjetur dhe konfiskuar një sprej OC.

"Gjatë arrestimit i dyshuari ka rezistuar. Me urdhër të prokurorit i dyshuari është dërguar në mbajtje", thuhet në raportin e policisë.