Prishtinë, 14 qershor - Policia njofton se tre persona ia kanë kanë grabitur çantën një femre, në të cilën kishte dokumente personale dhe një sasi stoli ari në vlerë 110€.

Rasti ka ndodhur në rr. “Zejnel Salihu” në Prishtinë në orën 02:45 të mëngjesit. Për këtë rast janë arrestuar tre të dyshuar meshkuj shqiptarë, kurse me vendim të prokurorit të dyshuarit pas intervistimit janë dërguar në mbajtje.

Në një rast tjetër në fshatin Zllakuqan në Klinë janë identifikuar dhe janë arrestuar dy të dyshuar meshkuj shqiptarë nën dyshimin se të njëjtit viktimës ia kanë vjedhur një gjenerator si dhe kanë kryer disa vepra tjera vjedhjeje. Rasti i vjedhjes ka ndodhur më 28 maj pas mesnate. “Të njëjtit janë intervistuar dhe me vendim të prokurorit janë dërguar në mbajtje”, raporton policia.