Prizren, 8 korrik - Ditën për diell, rreth orës 11:10, në parkun e qtetit të Prizrenit një i mitur i vitlindjes 2000 ia ka shkëputur me forcë një zinxhir të artë nga qafa një vajze po ashtu e mitur e cila në ato çaste po e priste një shoqe të sajën.

Ngjarjen e kishte parë një person  që e ka ndihmuar policinë për identifikimin e të dyshuarit i cili pas një ore ka rënë në prangat e policisë.

Policia njofton se i dyshuari është intervistuar në prani të prindit dhe avokatit mbrojtës.

\"Gjatë shqyrtimit të provave është kuptuar se si është kryer vepra penale\", thuhet në raportin e policisë.

Më pas hetuesit policorë kanë arritur ta zbardhin edhe një vepër tjetër të ngjashme  të kryer më parë nga ky i dyshuar ngase ekzistojnë incizime te kamerave të sigurisë.

Pas intervistës është njoftuar prokurori i shtetit i cili ka urdhëruar që i dyshuari të ndalët në masën e arrestit policor.