Stokholm, 21 maj - Komandanti i Forcës së Sigurisë së Kosovës (FSK-së) gjenerallejtënant Kadri Kastrati i ftuar nga Komandanti i Forcave te Armatosura te Suedisë gjenerallejtënant Jan Salestrand do të qëndrojë  në vizitë zyrtare në Suedi.

Qëllimi i kësaj vizite është zhvillimi i mëtutjeshëm i bashkëpunimit mes dy forcave, Forcës së Sigurisë së Kosovës (FSK-së) si dhe Forcave të Armatosura të Suedisë (FAS).

Komandanti i FSK-se gjatë vizitës zyrtare në Suedi,  ka kërkuar mbështetjen e  mëtejshme te Suedisë me këshilltarët në Ekipin Këshillues të NATO-s (NAT) dhe Ekipin Ndërlidhës Këshillues të NATO-s (NLAT).

Kurse në fokus te takimeve ishte përkrahja e Forcave te Armatosura te Suedisë sidomos në ngritjen e  Njësisë Rajonale të Kërkim Shpëtimit dhe Qendrës së Ekselencës, duke përkrahur trajnimin e instruktorëve, mbështetja me pajisje dhe përkrahja për  trajnimin dhe certifikimin e stafit të Njësisë rajonale të Kërkim Shpëtimit nga INSARAG.

Komandanti i FSK-se me delegacionin e tij gjithashtu ka pasur takime zyrtare edhe  me ushtruesin e detyrës së Komandantit Suprem të Forcave të Armatosura të Suedisë gjenerallejtënant  Jan Salestrand, pastaj ka takuar Sekretarin e Shtetit në Ministrinë e Mbrojtjes  Carl von der Esch dhe Shefin e Shtabit te Armatës  Suedeze  Gjeneralmajor Anders Brannstrom.

Gjenerallejtënant Kadri Kastrati  ka vizituar edhe Regjimentin e Gardës Kombëtare ku u prit me nderime të larta ushtarake, këtë rast komandant Kastrati u njoftua më për së afërmi me strukturën, misionin dhe aftësitë mobilizuese dhe nivelin profesional të gardës Kombëtare të Suedisë.

Komandanti i FSK-së Kadri Kastrati i shoqëruar nga Drejtori i Operacioneve në ministrinë për Forcën e Sigurisë së Kosovës (MFSK) gjeneral brigade Zymer Halimi, Këshilltari ushtarak Nënkolonel Fadil Hoxha dhe i caktuari në detyrën e atasheut te FSK-së në Suedi Major Sefer Shyti.

Pas përfundimit të vizitës në Suedi komandanti i FSK-së gjenerallejtënant Kadri Kastrati do të vizitojë Kroacinë ku do të merr pjesë në aktivitetin e zgjedhjes së ushtarit më të mirë  në kuadër të ushtrive të NATO-s.