Gjasat që Haradinaj të ekstradohet në Serbi janë zero
Në këtë intervistë dhënë për gazetën “Epoka e re”, ai ka treguar se nuk ka asnjë shans që Haradinaj të ekstradohet në Serbi.
Ai ka bërë me dije se procedurat për çështjen e ekstradimit mund të zgjasin deri në dy muaj, por beson se brenda një muaji do të përfundojë si çështje.
Salihu ka thënë se vendimin përfundimtar për rastin e Haradinajt do ta marrë Ministria e Drejtësisë së Francës.
Ai ka thënë se pamjet kur lideri i AAK-së doli nga gjykata me pranga pas lirimit ishin të rënda, duke e konsideruar këtë provokim të Serbisë.
Salihu u ka bërë thirrje institucioneve të Kosovës të gjejnë mekanizma për t’iu përgjigjur këtyre provokimeve. Sipas tij, dialogu për normalizim me Serbinë duhet të suspendohet për një kohë.
