Prishtinë, 8 maj - Me rastin e shpalljes zyrtare të ushtarit më të mirë te Forcës së Sigurisë së Kosovës, sot në amfiteatrin e Brigadës për Mbështetje Operacionale, në Kazermën \"Adem Jashari\" mbahet ceremonia zyrtare ’’Ushtari më i mirë, 2015’’.

Për tri ditë me radhë, 22 pjesëtarë të përzgjedhur të të gjitha njësive të Forcës së Sigurisë së Kosovës, Komandës së Forcave Tokësore, Brigadës për Reagim të Shpejtë, Brigadës për Mbështetje Operacionale dhe Komandë së Doktrinës dhe Stërvitjes, garuan dhe sipas rezultateve të tyre të arritura, nesër pritet që të shpallet ushtari më i mirë.

Ushtarët u testuan në këto lëmi: Navigim tokësor (ditën dhe natën),  gjuajtja me armë të gjata,  test fizik, kalimi i poligonit me pengesa, test me shkrim në njohuri të përgjithshme  ushtarake, marshim në distancë të gjatë me ngarkesë, etj.

Në këtë aktivitet do të jenë të pranishëm: Komandanti i FSK-së, gjenerallejtënant Rrahman Rama, si gjeneralë dhe komandant të njësive të FSK-së.