Prishtinë, 24 maj - Në organizim të Departamentit Civilo-Ushtarak të MFSK-së, sot, aksionit të iniciativës qytetare, në projektin “Ta pastrojmë Kosovën”  i janë bashkuar edhe njësitet e FSK-së, në tërë territorin e Kosovës.

Në aksionin “Ta pastrojmë Kosovën” janë angazhuar 275 pjesëtarë të FSK-së, me 41 automjete, që së bashku me mijëra qytetarë të Kosovës të kontribuojnë në krijimin e një ambienti të pastër  për të gjithë qytetarët.

Ministria e Forcës së Sigurisë të Kosovës (FSK)  ka ofruar kapacitetet e saja,  me pjesëtarë dhe makineri, për të përmbyllur sa më me sukses këtë fushatë për pastrimin e Kosovës.

Pjesëtarët e FSK-së, janë përshëndetur nga mijëra qytetarë, të cilët së bashku me pjesëtarët e FSK-së, kanë kontribuar në krijimin e një ambienti të pastër.