Prishtinë, 26 prill - Me organizim të   Ministrisë  së  Punëve të  Brendshme, në  Gjilan  filloi punëtoria dy ditore, ku është  duke u prezantuar pilot-projekti për mekanizmin referues, ku komuna e Gjilanit është  zgjedhur si  komuna e parë  të  për të  prezantuar parimet udhëheqëse, e cili shërben në  identifikimin e hershëm të  individëve të  cenueshëm nga radikalizmi  dhe ekstremizmi i dhunshëm.

Për dy dit në këtë punëtori  do të  ligjërojnë  dy ekspert nga Britania e Madhe, z. Russ Waterman dhe z. Lee Ross, të  cilët po  prezantojnë  praktikat më  të  mira që  ka përdorur Britania e Madhe, në  parandalimin dhe luftimin e radikalizmin dhe ekstremizmin e dhunshëm.

Në  këtë  punëtori po marrin pjesë  përfaqësues të  të gjitha bashkësive fetare nga komuna e Gjilanit, zyrtar komunal, përfaqësues të  ICITAP-it, të  OJQ-ve komunale, përfaqësues të  Këshillit Komunal për Siguri në  Bashkë, si dhe zyrtarë  të  Ministrisë  së  Punëve të  Brendshme.

Mekanizimi referues përveç rolit që ka në  identifikimin e hershëm të  personave të  cenueshëm, ky dokument përcakton tërë  procesin mbështetës i cili është  ndërtuar për t’ia lehtësuar punën të  gjitha institucioneve dhe agjencive që  mund të  përfshihen në  përpilimin e rastit të  personit, i cili mund të  jetë  i prire për sjellje ekstremiste apo radikale.
Ky organizim po bëhet që  përgjegjësia për parandalim të  përfshijë  edhe  nivelet lokale të  cilat janë  të  parat që  mund të  hasin në  ndryshime të  personaliteteve të  personave që  radikalizohen.

Organizmi po bëhet nga Ministria e Punëve të  Brendshme, sipas  Planit të  Veprimit, në kuadër të Strategjisë për Parandalimin e Radikalizmit dhe Ekstremizmit të  Dhunshëm që  shpie në  Terrorizëm dhe është  mbështetur nga UNDP.