FBI mbërrin në Kosovë për të hetuar vdekjen e Dino Asanajt
Prishtinë, 5 korrik - Hetuesit e FBI-së kanë mbërritur në Kosovë, për të hetuar në lidhje me vdekjen e ish-shefit të Agjencisë Kosovare të Privatizimit Dino Asanajt.
Lajmi është konfirmuar nga Ambasada amerikane ndërsa ekspertët amerikanë ishin në Departamentin për Mjekësi Ligjore ku kanë marrë raportin e autopsisë, prova dhe ekzaminime të tjera në lidhje me rastin.
Fjala përfundimtare e tyre në cilësi të ekspertëve pritet të qartësojë shumë mistere dhe gjithashtu të japin një përgjigje për pikëpyetjen e madhe, për rrethanat nëse Dino Asanaj, ish-Shef i Agjencisë Kosovare të Privatizimit (AKP), është vrarë apo vetëvrarë.