Prishtinë, 22 korrik - Sot, në vazhdën e bashkëpunimit, Ministrisë së Drejtësisë i`u dorëzuan edhe njëzetepesë automjete donacion nga EULEX-i, automjetet i`u dorëzuan Shërbimit Korrektues  dhe  Shërbimit Sprovues të Kosovës.

Ky donacion ka  për qëllim mbështetjen e të dyja shërbimeve në sferën e transportit për punët e tyre të përditshme.

Përfaqësuesit e Shërbimit Korrektues dhe Shërbimit Sprovues,  mirëpritën donacionin dhe njëherit  falënderuan përfaqësuesit e EULEX-it për mbështetjen e vazhdueshme që kanë dhënë dhe po vazhdojnë të japin për të dyja shërbimet.

Të tri palët  u pajtuan që  bashkëpunimi dhe ndihma do të vazhdoj edhe në të ardhmen.

Ky donacion do të dëshmojë se do të jetë i dobishëm, i nevojshëm dhe i domosdoshëm për ngritjen e kapaciteteve në Ministrinë e Drejtësisë,  e në veçanti për Shërbimin Korrektues dhe Shërbimin Sprovues të Kosovës.