EULEX bastisë Doganën dhe Ministrnë e Ekonomisë
Prokurorët specialë të EULEX-it ishin të pranishëm në vendngjarje të secilës prej bastisjeve në mënyrë që të mbikëqyrin dhe të sigurojnë mbledhje efektive të dëshmive dhe t’iu ofrojnë personave të pranishëm sqarim të plotë dhe të duhur.
Po ashtu në Prishtinë janë bastisur tri shtëpi private.
Bastisjet janë autorizuar sipas rregullit nga gjykatësi i procedurës paraprake i EULEX-it i Gjykatës së Qarkut të Prishtinës.
Dy të pandehurit – Shefi i Doganës së Kosovës Naim Huruglica dhe Shefi i Departamentit Ligjor në kuadër të Ministrisë së Ekonomisë dhe të Financave, Lulezim Rafuna – janë duke u marrë në pyetje nga policia.
Një prokuror i EULEX-it nga Prokuroria Speciale (SPRK) është duke i mbikëqyrë hetimet.
