Prishtinë, 29 mars - Më 26 mars, një gjykatës i EULEX-it në Gjykatën Komunale në Vushtrri i ka konfirmuar dy aktakuza kundër Marko Milenkovic.

I pandehuri akuzohet për sulm kundër bashkëshortes së tij duke i shkaktuar asaj disa lëndime.

Gjykatësi i konfirmoi të dy aktakuzat duke i shpallur të pranueshme të gjitha provat e siguruara gjatë hetimeve.

Marko Milenkovic është akuzuar nga një prokuror vendas në komunën e Vushtrisë për dy akuza të shkaktimit të lëndimit trupor, në bazë të nenit 154, paragrafi (3) në lidhje me paragrafin (1) pika (2) e Kodit Penal të Kosovës.

Gjykatësi ka konstatuar se ekziston dyshimi i bazuar se i pandehuri në të dyja rastet e kishte sulmuar bashkëshorten e tij, duke i shkaktuar asaj disa lëndime fizike dhe me këtë veprim e ka kryer veprat penale për të cilat akuzohet.