Tiranë, 1 maj - Interpol Tirana ka kryer këtë të premte ekstradimin nga Gjermania në Shqipëri të një shtetasi kosovar, të dënuar në mungesë për falsifikim.

Elez Rrahmanaj, sipas burimeve zyrtare të policisë, nga Suhareka e Kosovës, është dënuar nga Gjykata e Tiranës, një vit më parë, me 9 muaj burg për ‘falsifikim të letërnjoftimeve, pasaportave dhe vizave’.
 
“Nga hetimi paraprak e gjyqësor ka rezultuar se 48-vjeçari Rrahmanaj ka falsifikuar pasaportën e tij, duke vendosur në të një vizë polake të falsifikuar”, saktësuan burimet policore, sipas të cilave, arrestimi i të kërkuarit dhe më pas ekstradimi i tij erdhi falë bashkëpunimit të Interpol Tiranës me zyrën homologe në Wiesbaden, në Gjermani.

/Top Channel/