Edhe Blerand Stavileci gjuhet me vezë
Ai bashkë me Kryeministrin Isa Mustafa sipas VV u tërheqën nga Ligji për Trepçën, meqë një gjë të tillë e kërkoi Beogradi.
\"E për t’i shkuar edhe më për shtati politikave të Serbisë mbi Kosovën, Ministri Blerand Stavileci dje në Beograd nuk guxoi asnjëherë ta përmend fjalën Republikë, pra nuk guxoi të thotë “Republika e Kosovës”, përderisa në anën tjetër Marko Gjuriq vazhdimisht i referohej Kosovës si Kosovë e Metohi\", thekson VV.
Aktivistët e VETËVENDOSJE!-s sot e gjuajtën me vezë këtë ministër, për t\'i treguar edhe njëherë Qeverisë së Kosovës që pa u tërhequr nga marrëveshjet me Serbinë dhe demarkacioni me Malin e Zi nuk do të ketë qetësi dhe rehati për ministrat e saj.
