Prizren, 20 qershor - Një burrë në Prizren përderisa ishte duke lëvizur me motoçikletën e tij me targa lokale, nga pakujdesia në vendkalim të këmbësorëve ka goditur këmbësoren femër. Rasti ka ndodhur mbrëmë në orën 21 në rr. “Tahir Sinani” në Prizren.

Policia raporton se viktima ka pësuar lëndime trupore dhe e njëjta është dërguar për tretman mjekësor në QKUK-Prishtinë, derisa nuk raportohet për të arrestuar.
 
Në një rast tjetër, në rr. “Vëllezërit Fazliu” në Prishtinë raportohet për një aksident trafiku, ku përpos dëmeve materiale lëndime trupore kanë pësuar dy viktima meshkuj shqiptarë.

\"Viktimat kanë pranuar tretman mjekësor në QKUK. Me vendim të prokurorit rasti shkon në procedurë të rregullt\", thuhet në raportin e policisë.

Një aksident tjetër është shënuar në rrugën magjistrale Prishtinë-Ferizaj, kur i dyshuari përderisa ishte duke lëvizur me veturën e tij me targa lokale nga pakujdesia në vendkalim të këmbësorëve ka goditur këmbësoren.