Prishtinë, 27 qershor- Policia e Kosovës raporton se dje në mesditë një burrë në Prishtinë është rrëmbyer nga katër persona, të cilët kanë ushtruar dhunë ndaj tij.

Rasti ka ndodhur në rrugën “Vëllezërit Fazliu”. \"Viktima mashkull shqiptar raporton se katër persona të dyshuar meshkuj shqiptarë e kanë rrëmbyer me veturë dhe e kishin rrahur\", thuhet në raportin e policisë.

Njësiti policor ka arritur të identifikojë dhe të arrestojë katër të dyshuarit meshkuj shqiptarë, ku janë konfiskuar dy revole me tetë fishekë dhe një thikë, kurse në vendin e ngjarjes janë gjetur dhe konfiskuar katër gëzhoja, një predhë dhe një fishek.

Me urdhër të prokurorit të dyshuarit janë dërguar në mbajtje.