Prishtinë, 31 janar -  Në një aksident të rëndë trafiku në qytetin e Pejës kanë humbur jetën dy të rinj Agim Tolaj dhe Valon Dukaj nga fshati Dranoc i Komunës së Deçanit.

Kryetari i Komunës së Deçanit, Rasim Selmanaj, nëpërmjet një postimi në profilin e vet në “Facebook” u ka shprehur ngushëllime familjeve Tolaj dhe Dukaj. “Familjeve u shpreh ngushëllime për humbjen e më të afërmeve të tyre. Dhembja ka kapluar Deçanin për këtë rast tragjik, prandaj të gjithë ne bashkë e ndjejmë dhimbjen për Agimin dhe Valonin”, ka shkruar Selmanaj.

Varrimi i të ndjerëve do të bëhet  sot në orën 16:30 në fshatin Dranoc.