Prishtinë, 16 qershor -  Një burrë në Fushë Kosovë ka raportuar se duke pastruar oborrin ka hasur në një mjet të pashpërthyer. Policia njofton se rasti ka ndodhur në Rr. \"23 Dhjetori”.

\"Njësia policore ka siguruar vendin e ngjarjes derisa aty kanë dalë njësitë për deminim të FSK-së dhe KFOR-it të cilët kanë bërë tërheqjen  e mjetit të dyshimtë pa ndonjë incident\", thuhet në njoftimin e policisë.
 
Ndërsa në pikën kufitare në Merdar të Podujevës, raportohet se gjatë disa punimeve në pikën kufitare Merdare është has në një mjet të dyshuar shpërthyes. Edhe në këtë rast, bëhet e ditur se njësia policore ka siguruar vendin e ngjarjes derisa aty kanë dalë njësitë për deminim  i KFOR-it të cili ka bërë tërheqjen  e mjetit të dyshimtë pa ndonjë incident.