Drejtësia Sot shpalos të gjeturat e raportit të gjykatave dhe prokurorisë
Në këtë konferencë, Drejtësia Sot do shpalos të gjeturat e raportit të titulluar “Monitorimi i Sistemit Gjyqësor dhe Prokurorial në Kosovë për Periudhën Janar – Dhjetor 2020”.
Drejësia Sot në këtë raport ka paraqitur pasqyrën e punës vjetore të Këshillit Gjyqësor të Kosovës, të Këshillit Prokurorial të Kosovës, si dhe punën e të gjitha gjykatave e prokurorive në Kosovë, të fokusuar në trajtimin dhe gjykimin e lëndëve të korrupsionit, krimit të organizuar, pastrimit të parave dhe atyre lëndëve ku janë të përfshirë zyrtarë të lartë shtetëror.
Të gjeturat e Drejtësia Sot, kanë vënë në pah dy karakteristika kryesore të punës së sistemit gjyqësor dhe prokurorial gjatë vitit 2020, njëra duke qenë mos mbajtja e seancave gjyqësore për shkak të pandemisë Covid-19 dhe tjetra parashkrimi i lëndëve.
Raporti ndër të tjera ofron edhe rekomandime për përmirësimin dhe adresimin e problemeve të identifikuara në sistemin e drejtësisë.
