Prishtinë, 27 gusht - Në Agjencinë e Regjistrimit Civil u mbajt ceremonia e pranim-dorëzimit të Librave të certifikuara të gjendjes civile, të kthyer nga Serbia për komunën e Vitisë.

U.D Kryeshefi i ARC-se Abedin Mehmeti, i dorëzoi kryetarit të komunës së Vitisë, Nexhbetin Arifi, gjithsej 726 Libra civilë dhe fetarë të gjendjes civile.

Dorëzimi i regjistrave për këtë komunë është vazhdimësi e dorëzimit që po bëhet   nga MPB, e cila kohë me parë ka dorëzuar Librat komunës së Prishtinës, Obiliqit, Fushë Kosovës, Gllogovcit, Lipjanit, Podujevës, Gjilanit dhe Kamenicës.

Kthimi i regjistrave të gjendjes civile, të skanuar dhe të certifikuar, është pjesë e marrëveshjes së 2 korrikut 2011, në mes të delegacioneve të Prishtinës dhe Beogradit.