Mitrovicë, 12 korrik - Drejtori i përgjithshëm i Doganës së Kosovës Naim Huruglica me bashkëpunëtor dhe Drejtori i Përgjithshëm i Policisë së Kosovës Behar Selimi me bashkëpunëtor sot zhvilluan një takim pune në Mitrovicë.

Qëllimi i takimit ishte koordinimi sa me i mirë i aktiviteteve në luftën kundër kontrabandës  me theks të veçantë në veriun e Kosovës.

Drejtorët u pajtuan që të intensifikohet edhe me tej bashkëpunimi i përbashkët, me qëllim të arritjes së rezultateve më të mira në drejtim të zvogëlimit të evazionit fiskal.

Dogana dhe Policia kanë një bashkëpunim shumë të mire, bashkëpunim që deri më tani ka prodhuar rezultate të konsiderueshëm në luftimin e evazionit dhe krimit të organizuar. Deri më tani si rezultat i bashkëpunimit Doganë - Polici janë kapur 76 kundërvajtje doganore gjatë këtij viti,  kryesisht në rajonin e Mitrovicës.