Prishtinë, 7 shtator - Me urdhër të Qeverisë së Republikës së Kosovës sot i është ndërprerë  vizita në vendin tonë Aleksandër Vulin.

Arsyeja e ndërprerjes së vizitës  është bërë për shkak se Vulin ka  bërë devijim të agjendës dhe nuk i është përmbajtur agjendës e cila paraprakisht ishte e miratuar nga organet përkatëse të Republikës së Kosovës.

Njësitet  policore të rajonit të Mitrovicës kanë bërë përcjelljen e Aleksandër Vulin,  dhe i njëjti  përmes pikë-kalimit kufitar në Merdare është deportuar për në Serbi.

Në ora 14:18 është kryer procedura e deportimit në pikë-kalimin kufitar në Merdare.

Me aprovim të Qeverisë së Republikës së Kosovës ishte e paraparë që Aleksandër Vulin do të qëndronte  dy ditë  (06-07 shtator 2012) në vendin tonë ku do të zhvillonte vizita religjioze në rajone të ndryshme të Republikës së Kosovës.