Prishtinë, 11 shkurt - Komandanti i Forcës së Sigurisë së Kosovës, gjenerallejtënant Kadri Kastrati pranoi sot një letër urimi nga Kryesuesi i Shefave të Shtabeve të Bashkuara, të Ushtrisë Amerikane, gjeneral Martin Dempsey.

Gjeneral Dempsey në leter urimin drejtuar gjeneral Kastratit shprehet: “Në emër të pjesëtarëve të Forcave të  Armatosura të Shteteve të Bashkuara të Amerikës dhe në emër të Komandës së bashkuar të Shefave të Shtabeve, Unë ju përgëzoi Ju dhe pjesëtarët e Forcës së Sigurisë së Kosovës me rastin e  Ditës së Pavarësisë.”

Më tej gjenerali amerikan, Martin Dempsey është shprehur në letër se: “ka shumë besim se miqësia dhe bashkëpunimi ndërmjet dy  ushtrive tona do të rritet edhe më shumë.” Në fund gjenerali Dempsy ka shprehur edhe interesimin e tij që sa më shpejt ti shoh të publikuara rezultatet e Rishikimit Strategjik të Sektorit të Sigurisë si dhe implementimin e tyre.

Ky ishte teksti i urimit që gjenerallejtënant Kadri Kastrati ka pranuar me rastin e Ditës së Pavarësisë, nga gjenerali amerikan Martin Dempsey.