Prishtinë, 12 nëntor  - Sot, në Agjencionin e Menaxhimit të Emergjencave të Ministrisë së Punëve të Brendshme u certifikua gjenerata e tretë e zjarrfikësve të specializuar për shuarjen e zjarreve të brendshme.

Në këtë trajnim u certifikuan 15 zjarrfikës nga komunat e Prishtinës, Junikut, Podujevës, Gjilanit, Malishevës, Ferizajt, Istogut, Deçanit dhe Therandës.

Përmes këtij trajnimi, zjarrfikësit e Kosovës janë profesionalizuar në shuarjen e zjarreve te brendshme, shpëtimin e pasurisë, si dhe janë profesionalizuar në veprimet taktike të shuarjes së zjarrit.