Prishtinë, 21 maj - Në ambientet e Rexhimentit të Mbrojtjes Civile  në Pomozotin   u mbajt  trajnimi  Materiet e rrezikshme  dhe përdorimi i pajisjeve  për detektim kimik dhe radiologjik , trajnimi  u mbajt nga instruktorët  E Komandës amerikane për Evropë ( EUKOM )  të cilët për dy javë  ligjëruan  për këtë lami të rëndësishme , duke shkëmbyer përvojat  me pjesëtarët  e FSK-së .

Në ceremoninë e certifikimit  morën  pjesë  Ministri i FSK-së Agim Çeku,Komandanti i Forcave Tokësore  Gjeneral major  Rrahman Rama, Zv ambasadorja e Shteteve të Bashkuara Jennifer Bachus,   Atasheu ushtarak Koloneli  James Coot, Komandanti i RMC-së Kolonel  Shaip Haziri,  instruktorë nga SHBA-ja  oficer e nënoficer të FSK-së .

Gjeneral Rama  pas falënderimit që i bëri  personelit  të instruktorëve  dhe atij të ambasadës, që ishin të pranishëm  tha  se po i gëzohemi edhe një përgatitjeje profesionale  që është zhvilluar falë bashkëpunimit  që  kemi me SHBA. Mbështetja  nga  SHBA-të  është  motivim dhe shtytje për ne  që ne po përgatitemi  me standardet më të larta  ndërkombëtare, përgatitja e specialistëve në këtë fushë është e mirëseardhur për ne, duke  pasur parasysh inspektimet e shumta që Kompania e Mbrojtja Kimike Atomike Biologjike (MKAB) bënë në gjithë Kosovën.

ZV Ambasadorja  e SHBA-së    theksoi rendësin që është duke i dhënë SHBA-ja  FSK-së  dhe tash me këtë lloj trajnimi specialistik  në MKAB  dhe  vazhdimin e këtij  lloj  trajnimi  në muajt  në vazhdim  si dhe  premtoi ndihmë edhe në pajisje specialistike në  fushën e materieve të rrezikshme .

Ndërsa  Ministri Çeku  theksoi  se;  unë isha dje  dhe përcolla këtë trajnim  po edhe javën e kaluar kam qen, jam edhe sot dhe  ky interesim  vërteton  se sa e kam vlerësuar unë  këtë lloj trajnimi  për  ushtarët tanë , ky trajnim ka edhe rëndësinë tjetër që është zhvilluar me miqtë tanë, nga   Shtetet e Bashkuara të Amerikës dhe me standarde të larta  ndërkombëtare .

Shefja e instruktorëve  Major Arod prezantoi punën e sajë në shumë vende të botës  dhe ku do që kam shkuar dhe kush do që më ka pyetur se  cili vend është më i dashur për ju,  unë deri më sot jam përgjigjur Moldavia  po që nga sot  kam ndërruar këtë mendje  dhe ishte e impresionuar me  punën dhe disiplinën e pjesëtarëve të FSK-së .

Në fund u ndanë Certifikatat për  pjesëmarrësit,  kurse  Shefja e instruktorëve  Major Arod i dha një  dhuratë Komandantit të Rexhimentit  të Mbrojtjes Civile Kolonel Shaip Hazirit, ndërsa  Kolonel Haziri ndau mirënjohje  për të gjithë instruktorët që mbajtën këtë trajnim .