Prishtinë, 14 qershor - Sot në Komandën e Doktrinës dhe Stërvitjes (KDS) në Ferizaj u certifikuan 153 pjesëtar të rezervës  aktive të FSK-së, gjenerata  e dytë e viti 2013, të cilët përfunduan kursin bazik të trajnimeve.

Në ceremoninë e certifikimit morën pjesë  zëvendësministri i MFSK-së Bejtush Gashi, Gjeneralmajor Rrahman Rama zëvendëskomandant i FSK-së,  Gjeneralbrigade Enver Cikaqi komandant i KDS-së dhe  Kolonel Vinchenzo Matina përfaqësues nga Mentoruesit e NATO-s.

Pjesëtarët dhe të pranishmit me nga një fjalim i përshëndetën zëvendësministri  Bejtush Gashi dhe Gjenearl Enver Cikaqi  si dhe  kolonel  Matina, të cilët i uruan pjesëtarët për përfundimin me sukses të kursin bazik,  duke ju uruar suksese në trajnimet dhe detyrat e ardhme që do të kryejnë në strukturën e FSK-së, në të mirë të sigurisë së qytetarëve, të Kosovës dhe vendeve të regjionit.

Certifikimi edhe  i 153 pjesëtarëve të rezervës aktive të FSK-së  në këtë ceremoni solemne është aktivitet i vazhdueshëm drejtë kompletimit të formacionit të rezervës aktive të FSK-së prej 800 pjesëtarëve, aq sa e parasheh ligji për FSK-në.