Prishtinë, 12 prill - Sot, në Komandën e Doktrinës dhe Stërvitjes në Ferizaj, pas një trajnimi pesë javor u bë certifikimi i 151 pjesëtarëve të komponentit rezervë të FSK-së, gjenerata 01/2013, në kursin bazik.

Në ceremoni morën pjesë; gjeneralmajor Rrahman Rama, komandant i KFT-së, gjeneralbrigade Enver Cikaqi, KOMKDS, kolonel Kott, nga Ambasada Amerikane në Kosovë.

Gjeneralmajor Rrahman Rama i përgëzoi rekrutët për përfundimin me sukses të  kursit bazik të  komponentit rezervë të FSK-së, po ashtu përshëndeti edhe familjarët që ishin pjesëmarrës të ceremonisë se certifikimit.

Ndërsa, koloneli Kott: tha” ju jeni shtylla e ushtrisë së ardhshme të Kosovës, andaj misioni juaj është të jeni në gatishmëri, çdo herë kur ju thërret FSK-ja, ju uroj për përfundim të kursit bazik me sukses dhe disiplinë të lartë”.

Për arritje të rezultate të mira u shpërblyen 10 pjesëtarë të komponentit rezervë.