Prishtinë, 4 qershor  - Ambasadori Britanik, Ruairí O’Connell dhe Feride Rushiti, Drejtoreshë e Qendrës Kosovare për Rehabilitimin e të Mbijetuarëve të Torturës, sot kanë nënshkruar kontratën për grantin në mbështetje të aktivitetit “Mendoj për ty”.

Ky manifestim i artistes Alketa Xhafa është pjesë e fushatës së organizuar nga Këshilli Kombëtar për të Mbijetuarit e Dhunës Seksuale gjatë Luftës, i themeluar dhe i udhëhequr nga Presidentja e Republikës së Kosovës, Atifete Jahjaga.

O’Connell ka thënë se dhuna seksuale është akt i tmerrshëm çnjerëzor.

\"Përdorimi i dhunës seksuale gjatë luftës në Kosovë ka lënë mijëra viktima pa mbështetje apo qasje në drejtësi.\"

\"Është nder të mbështesim këtë fushatë, e cila thekson përvojën e viktimave dhe kërkesën e tyre për drejtësi dhe pranim në shoqëri”, ka theksuar ai.