Prishtinë, 1 nëntor - Për nder të 7 vjetorit të vizitës së Presidentit Bill Clinton, që i bëri Kosovës më 1 nëntor 2009, sot, në lokalet e shoqatës \"Miqtë e Amerikës\", Agim Rexhepi kryetar dhe Latif Zeka komandant i brigadës së zjarrfiksave në Prishtinë e nënshkruan memorandumin e bashkëpunimit me të cilin brigada e zjarrfikësave të Prishtinës e merr përsipër mirëmbajtjen e sheshit Bill Clinton deri më 31 dhjetor 2018.

Brigada profesionale e zjarrfikësave do ta bëjnë kurdo që të ketë nevojë pastrimin e platos para shtatores së ish presidentit Bill Clinton, lyerjen e shtizës ku është i vendosur flamuri amerikanë, do ta ndërrojë apo ri vendosë flamurin kurdo që paraqitet nevoja.