Bllokada shtyn formimin e Gjykatës Speciale për krime lufte
Ndonëse legjislatura e kaluar e Kuvendit të Kosovës ia pati dhënë dritën jeshile krijimit të Gjykatës Speciale për gjykimin e krimeve të luftës në Kosovë, sipas raportit të Dick Martyt, zvarritja e konstituimit të legjislaturës së re, do të shtyjë për një afat të pacaktuar krijimin e kësaj gjykate.
Tanimë dështimi që një gjykatë e tillë të krijohet brenda këtij viti dhe që vitin tjetër të nis funksionimin, e ka pranuar edhe misioni i EULEX në Kosovë.
Berrnd Borchardt ka thënë javën e kaluar se ende nuk është caktuar koha se kur do të formohet Gjykata Speciale për krime lufte. /Kosova Sot
