Prishtinë, 15 prill - Presidentja e Republikës së Kosovës, zonja Atifete Jahjaga dekretoi sot emërimin e zotëri Bekim Sejdiu, gjykatës në Gjykatën Kushtetuese të Republikës së Kosovës.

Në ceremoninë e dekretimit ishte i pranishëm edhe kryetari i Gjykatës Kushtetuese, Enver Hasani.

Dekretimi u bë duke u bazuar në nenin 84 pika 19 të Kushtetutës së Republikës së Kosovës, në nenin 7 të Ligjit Nr. 03/L-121, për Gjykatën Kushtetuese të Republikës së Kosovës, si dhe duke u bazuar në Vendimin e Kuvendit të Kosovës për propozimin e gjyqtarit në Gjykatën Kushtetues.

Zotëri Bekim Sejdiu dha sot betimin para Presidentes Jahjaga.