Prishtinë 2 gusht - Drejtoria për Hetimin e  Krimeve Ekonomike dhe Korrupsion, e asistuar nga njësite tjera policore së bashku me Hetuesit e Administratës Tatimore të Kosovës, dje në  orët e hershme të mëngjesit kanë realizuar një Urdhër Kontroll të  lëshuar  nga Gjyqtari i Procedurës Paraprake i Gjykatës Themelore në Gjilan.

Ky kontroll i detajizuar është realizuar në disa subjekte afariste me  dyshimin e bazuar se është kryer vepra penale  “ Shmangie nga tatimi” nga neni  313 i Kodit Penal të Kosovës.

Me ketë rast janë kontrolluar: dy shtëpi; dy lokale biznesi; dy depo në Gjilan si dhe një lokal biznesi në Prishtinë.

Gjatë kryerjes së kontrollit  janë konfiskuar: tre  llaptop, tri shtëpiza kompjuteri  si dhe dokumente afariste për periudhën kohore 2007- 2013.