Athinë, 12 mars - Policia greke ka deklaruar se ka arrestuar priftin nga Kosova, Simeon Vilovski, i kërkuar nga Serbia, për shkak të dyshimeve për keqpërdorimin e fondeve të Kishës Ortodokse Serbe dhe të shtetit.

Sipas njoftimit të policisë, prifti Vilovski, ishte arrestuar sot në Peraia të Greqisë, në bazë të fletarrestit ndërkombëtar.

Një gjykatë në Beograd i ka filluar hetimet ndaj priftit me dyshimin se i ka keqpërdorë fondet për rikonstruktimin e Kishave Ortodokse në Kosovë.

Simeon Vilovski ka shërbyer në Kosovë, nën peshkopin ortodoks të linjës së fortë, Artemije, i cili aktualisht është shkarkuar nga Kisha Oortodokse Serbe, nën dyshime të njejta.