Prishtinë, 16 gusht - Policia e Kosovës ka njoftuar se Njësia e Hetimeve Departamenti i Policisë Kufitare, sot në orët e hershme, ka bërë arrestimin e një  personi të dyshuar nën dyshimin e bazuar se i njëjti në bashkëpunim me një të dyshuar tjetër  ka kryer veprën penale ‘kontrabandim me migrant’ “falsifikim të dokumenteve “ dhe ‘mashtrim”.

Operacioni i koduar me emrin “Kumbara”, ka rezultuar me kontrollimin e dy shtëpive me objekte përcjellëse në fshatrat Shushicë dhe Gushtericë në komunën e Graqanicës, me  ç’ rast janë  identifikuar dy të dyshuar, të cilët në vazhdimësi kryenin veprat penale të kontrabandimit të migrantëve dhe falsifikimin e dokumenteve të udhëtimit.

Të dyshuarit janë: D. D. m/k/serb i arrestuar dhe S. K.  m/k/serb

Të dyshuarit ku njëri nga ta tashmë veç i arrestuar nga ana e policisë janë të njohur për organet e drejtësisë si persona me të kaluar kriminale.

Këta të dyshuar kanë bërë sigurimin dhe rregullimin e dokumenteve të ndryshme të udhëtimit, dokumente këto të falsifikuara për të dërguar persona në shtete të ndryshme të BE-së.

Gjatë hetimit janë aplikuar masat e fshehta të hetimit dhe rasti është kryer nën mbikëqyrje të Prokurorisë Themelore në Prishtine –Departamenti për krime të rënda.

Gjatë këtij operacioni janë gjetur dhe konfiskuar dëshmi materiale si: vula te Gjykatës Themelore në Graqanicë; vula të Komunës së Graqanicës; vula apostile dhe vula tjera të kompanive të ndryshme (gjithsej shtatë copë); letërnjoftime jugosllave; patentë shofer dhe karta të identifikimit anglez; libreza të ndryshme të veturave 10 copë; formula të diplomave dhe çeritifkata të ndryshme të zbrazura; letërnjoftime; fotografi të formatit të pasaportave (të personave të ndryshme) dhe disa shënime tjera me numra të ndryshëm të telefonit,  një  lap-top, shtëpiza kompjuteri dhe një  memory card.

Të dyshuarit me urdhër të prokurorit i është caktuar masa e ndalimit për të vazhduar me procedura të mëtutjeshme hetimore