Prishtinë, 18 korrik - Në fshati Qagllavicë të Prishtinës është arrestuar një i mitur, pasi që gjatë kontrollit në shtëpinë e tij është gjetur një sasi armatimi.

Policia njofton se është konfiskuar një pushkë ajrore dhe dy revole të kalibrit 8 mm me një karikator të cilat i mbante të fshehura afër shtëpisë së tij.  \"Me urdhër të prokurorit i dyshuari dërgohet në mbajtje\", thuhet në raportin e policisë.

Në një rast tjetër në rr. “Driton Veliu” në Mitrovicë është arrestuar një mashkull shqiptar, pasi që gjatë kontrollit në shtëpinë e tij është gjetur dhe konfiskuar një armë-pistoletë me një karikator pa fishek. Bëhet e ditur se me urdhër të prokurorit i dyshuari është liruar në procedurë të rregullt.