Prishtinë, 2 gusht - Njësiti i Hetimeve Rajonale për Krime Ekonomike dhe Korrupsion – Prizren, sot ka bërë arrestimin e një personi të dyshuar nën dyshimin e bazuar se i njëjti ka kryer veprën penale “Shpërdorim të pozitës zyrtare” dhe “ Marrje të ryshfetit”.

Operacioni i ndërmarrë nga hetuesit policor ka rezultuar me arrestimin e të dyshuarit F. K.  përgjegjës për kalibrimin e orëve të KEDS, për rajonin e Prizrenit.

I dyshuari kishte kërkuar ryshfet në vlerë prej 500€, nga një qytetar për ti kryer shërbime me qëllim të përfitimit personal.

Rasti është kryer me aplikim të masave të fshehta dhe teknike të vëzhgimit dhe hetimit, “simulim i veprës së korrupsionit”.

I dyshuari akuzohet për “Shpërdorim të pozitës zyrtare” dhe “ Marrje të ryshfetit”dhe të njëjtit me  urdhër të prokurorit të shtetit  i është caktuar masa e ndalimit për 48 orë.