Prishtinë, 1 qershor - Dje rreth orës 15:00, hetuesit rajonal të Prishtinës kanë arrestuar tre persona të tjerë, për të cilët ekziston dyshimi i bazuar se janë të përfshirë në rastin e grabitjes në bankën BPB, në Fushë Kosovë.

Puna e hetuesve rajonal ka vazhduar edhe dje duke ndërmarrë tri aksione të bastisjeve në lokacione të ndryshme ku kanë arritur të gjejnë dhe konfiskojnë:

Ø    një pistoletë të tipit Ekol Special
Ø    një karikator me katër fishek
Ø    një shumë të konsiderueshme të parave
v    rreth 2600 euro,
v    180 funte anglez,
v    604 dollarë amerikan dhe
v    830 franga zvicerane ,

Para këto të cilat dyshohet se janë të grabitura në filialin e bankës BPB në Fushë Kosovë.

Personat e dyshuar:
Ø    I.  Gërguri, mashkull, 31 vjeç, shtetas i Republikës së Kosovës
Ø    A. Zogjani,  mashkull, 28 vjeç, shtetas i Republikës së Kosovës dhe
Ø    Sh. Shala, mashkull, 22 vjeç, shtetas i Republikës së Kosovës,

Pas arrestimit janë dërguar  në qendrën rajonale të paraburgimit në Prishtinë, ku aktualisht hetuesit po kryejnë të gjitha veprimet e nevojshme hetimore e procedurale lidhur me rastin në fjalë para se rasti t’i kaloj gjykatës.