Prishtinë, 24 shkurt - Në vazhdimësi të hetimeve të rasteve të trafikimit me qenie njerëzore dhe mundësim në prostitucionit, Drejtoria për Hetimin e Trafikimit me Qenie Njerëzore, së bashku me njësitë dhe ekipet rajonale kanë realizuara dy operacione policore.

Kështu më 23.02.2012 në operacionin e parë të koduar “Liria”, operacion ky që është realizuar në periferi të Prishtinës më konkretisht në një motel në rrugën për  Fushë Kosovë, ka rezultuar me arrestimin e gjashtë personave të dyshuar nën dyshimin e bazuar se kanë kryer veprën penale “Mundësim i Prostitucionit” dhe kundërvajtjen “Marrje me Prostitucion”.

Nga hetimet e zhvilluara prej kohësh nga hetuesit e kësaj drejtorie merret vesh se të dyshuarit tanimë të arrestuar janë marrë në vazhdimësi me veprimtari të tilla kundërligjore.

Personat e arrestuar janë

1.      L. B    viti i lindjes    1976      f /sh/Ruse

2.     A. M    viti i lindjes    1980      m/sh/kosovar

3.    B.  P    viti i lindjes    1983      m/sh/kosovar

4.    B.  U    viti i lindjes    1968      m/sh/kosovar

5.    A.  T    viti i lindjes    1978       m/sh kosovar

6.    B.  M    viti i linjës     1976       m/sh/kosovar

Ndërsa në operacionin e dyte i cili është zhvilluar në rajonin e Ferizajt dhe të Mitrovicës  ka rezultuar me arrestimin e një personi të dyshuar A. P lindur më 1971 m/sh/kosovar, nën dyshimin e bazuar se ka kryer veprën penale “Trafikim me qenie njerëzore”, ndërkohë që në rajonin e Mitrovicës hetuesit policor kanë identifikuar një viktimë femër kosovare për të cilën dyshohet se është trafikuar nga personi i dyshuar tanimë i arrestuar.

Të dy operacionet policore janë realizuar në konsultim dhe me autorizimin e prokurorit përkatës ndaj të dyshuarve është caktuar masa e ndalimit policor për 48 orë për të vazhduar me procedura të mëtutjeshme.