Pejë, 17 maj - Stacioni Policor në Deçan ka njoftuar se pas një pune operativo-hetimore, ka arritur të identifikoj dhe arrestoj dy persona të dyshuar, për veprat penale “Vjedhje e rëndë” dhe “Vjedhje”: F.I. i lindur me  1992 dhe L.L. i lindur me 1999.

Të dyshuarit nga data 08 maj e deri me datë 10 maj dyshohet se kanë vjedhur ne disa lokacione ne komunën e Deçanit.

Të dyshuarit gjatë intervistimit nga hetuesit kanë pranuar se kanë kryer edhe disa vepra të tjera penale te vjedhjeve të rënda dhe vjedhjeve në zonën e përgjegjësisë së Stacionit Policor në Deçan.

 Në bashkëpunim të plotë me prokurorin e shtetit, disa nga sendet e vjedhura janë sekuestruar si dëshmi materiale.

Pas intervistimit, me vendim të prokurorit  të shtetit, të dyshuarve iu është caktuar masa e ndalimit policor prej 48 orëve.