Prishtinë, 14 mars - Agjencia kundër korrupsionit ka njoftuar se shkrimi i publikuar në disa portale  në Prishtinë, se kinse ky institucion ka paralajmëruar zyrtarët e lartë publik se do të arrestohen në raste se nuk e deklarojnë pasurinë nuk është aspak i vërtet. 

Agjencia vë në dijen se as një herë nuk ka paralajmëruar zyrtarët e lartë publik se do të arrestohen nëse nuk deklarojnë pasurinë, pasi që një gjë e tillë nuk është përgjegjësi e këtij institucioni.

\"Ky shkrim siç duket është i huazuar nga mediat e Tiranës pasi që kompletë I referohet aktualitetit në Shqipëri e jo në Kosovë. \"

\"Keni parasysh  se  teksti i referohet  “Dekriminalizimit” si dhe shumës së gjobave  në Lekë, që është valuta zyrtare e  Shqipërisë. Në realitet aktualiteti në Kosovë nuk ka të bëjë me “Dekriminalizimin”, ndërsa valuta zyrtare që Kosova e përdorë është Euro-ja\", thekson AKK.

Agjencia është e shqetësuar për këtë huqje kaq të madhe dhe raportim joprofesional  që disa portalet e kanë bërë, ndërsa kanë shkaktuar huti në opinionin Kosovar.