Prishtinë, 20 tetor - Dje, një trup gjykues i përbërë nga gjykatës kosovarë dhe të EULEX-it në Gjykatën e Qarkut në Prishtinë, e nxorën aktgjykimin për aktakuzën e lëndës lidhur me importin e duhanit kundër Naim Huruglicës, Drejtor i Doganës së Kosovës dhe Lulzim Rafunës, Drejtor i Drejtorisë Ligjore në Doganën e Kosovës

Trupi gjykues e aprovoi pjesërisht ankesën e prokurorisë kundër hedhjes poshtë të aktakuzës dhe vendosi që aktakuza e ndryshuar të dërgohet për gjykim.  

Gjykata e konfirmoi një pikë të aktakuzës, Shpërdorim i Detyrës Zyrtare. Pika tjetër e aktakuzës, Keqpërdorim i Autorizimeve Ekonomike mbetet e refuzuar.