Prishtinë, 25 maj - FSK-ja mori pjesë në aksionin ‘Ta pastrojmë Kosovën’  në nivel vendi, të organizuar nga OJQ  dhe të përkrahur edhe nga institucionet shtetërore e komunale.  

Në këtë aksion  FSK-ja kishte angazhim të pjesëtarëve dhe njësive të saj në shkallë të gjerë, duke angazhuar 250 ushtarë dhe 50 mjete teknike; si  kamion dhe makineri ngarkuese, në 30 komuna të Kosovës. 

Po ashtu FSK ka angazhuar edhe zhytësit në pastrimin e thellësive të liqenit të Batllavës,  nga mbeturinat e sjella nga reshjet  e mëdha të fundit. Për të ndihmuar aksionin dhe mbarëvajtjen e tij, FSK kishte në gjendje gatishmërinë njësinë e dominimit, mjekësisë etj.

Në këtë aksion krahas teknike efikase edhe ushtarët së bashku me popullatën kanë punuar në pastrimin e ambientit, duke thelluar këtë bashkëpunim i cili rritë ndjenjën për natyrën dhe atdheun  e përbashkët.

FSK çdo herë  është përgjigjur pozitivisht  në kuadër të thellimit  të marrëdhënies me qytetarët  përmes Bashkëpunimit Civilo –Ushtarak (BCU) duke ndihmuar me mjetet e veta teknike dhe personel përkatës.