Prishtinë, 11 nëntor - Me rastin e përvjetorit të 99 të armëpushimit Ambasada Gjermane dhe Ambasada Franceze në Prishtinë brenda një organizimi të përbashkët do t’i përkujtojnë viktimat dhe përfundimin e Luftës së Parë Botërore.

Ngjarja përkujtimore mbahet sot në varrezat ortodokse në afërsi të shtabin qendror të KFOR-it, kampin “Film City”, në Prishtinë.

Nënshkrimi i armëpushimit në Compiègne, më 11 nëntor 1918, i dha fund luftimeve të Luftës së Parë Botërore.

Përkujtimi i përbashkët është shprehje e miqësisë gjermano-franceze dhe një simbol për mundësinë e pajtimit në Ballkan.