Rrëshen, 17 gusht - Një aksident i rëndë automobilistik me pasojë vdekjen e një këmbësori ka ndodhur sot në mëngjes rreth orës 05:00 në aksin Rrëshen-Kalimash.

Policia bën të ditur se një automjet me targa të Kosovës ka përplasur për vdekje 72-vjeçarin Ndue Seferi, pranë fshatit të quajtur Zallxhuxh.

Policia ndaloi drejtuesin e mjetit, dhe po kryen veprimet hetimore për të përcaktuar shkaqet e aksidentit.