Prishtinë, 3 korrik - Asociacioni i Gazetarëve të Kosovës e ka dënuar kërcënimin ndaj ekipit të gazetarëve të Kohës Ditore.

\"AGK e ka pranuar me shqetësim informacionin se është kërcënuar gazetarja Salie Osmankaqi dhe ekipi i Kohës Ditore në Prishtinë\", thuhet në kumtesën e AGK-së.

AGK është njoftuar se kolegia Osmankaqi është kërcënuar nga disa persona derisa ajo po raportonte për largimin e banorëve nga banesat e uzurpuara në Dardani.

\"Banorët janë vërsulur drejt meje menjëherë dhe iu kemi shmangur sulmit fizik duke hyrë në veturë\", ka deklaruar Osmankaqi.

Kërcënimi tashmë është raportuar në polici, ndërkohë që AGK e dënon këtë rast duke kërkuar hetim të shpejtë.